શેર
 
Comments

મંચ પર બિરાજમાન ભારતીય જનતા પાર્ટીના રાષ્ટ્રીય અધ્યક્ષ તથા આપણા બધાના માર્ગદર્શક આદરણીય શ્રી રાજનાથસિંહજી, ગુજરાત પ્રદેશ ભારતીય જનતા પાર્ટીના નવનિર્વાચિત પ્રદેશ અધ્યક્ષ શ્રીમાન આર. સી. ફળદૂજી, શ્રીમાન રૂપાલાજી, શ્રી વી. સતીશજી, કેપ્ટન અભિમન્યુજી, અમિતભાઈ શાહ, સ્મૃતિબહેન, મંત્રી પરિષદના મારા સર્વે સાથીદારો, સંસદ સભ્યશ્રીઓ, પાર્ટીના તમામ વરિષ્ઠ સાથીદારો તથા ગુજરાતના ખૂણે ખૂણેથી આવેલા પાર્ટીના તમામ કાર્યકર્તા ભાઈઓ અને બહેનો..! જે 6 એપ્રિલ છે. ભારતીય જનતા પાર્ટીના રૂપે આપણી વિકાસયાત્રાના 32 વર્ષ પૂરા કરીને 33 વર્ષમાં આપણે લોકો પ્રવેશ કરી રહ્યા છીએ. ભાઈઓ-બહેનો, 33 વર્ષની યાત્રા આખા હિન્દુસ્તાનની અંદર એક નવી આશાને પ્રગટ કરનારી યાત્રા છે. ભારતીય જનતા પાર્ટીનો જન્મ એવા સમયે થયો હતો કે જ્યારે કેટલાક અંગત સ્વાર્થ સાધવાવાળા તત્વો પોતાના નિયત સ્વાર્થ માટે નવા નવા સવાલો પેદા કરીને દેશમાં કોઈ ઑલ્ટર્નટ પક્ષમાં ન હતા, તેઓ ષડયંત્રનો શિકાર થયા હતા. એકસોથી વધારે સભ્યોવાળા ગૃહમાં અવારનવાર ભારતીય જનતા પાર્ટીનું અપમાન કરવાનો પ્રયત્ન કરવામાં આવતો હતો. લોકશાહીની મર્યાદાઓને તોડી નાખવામાં આવતી હતી. અને આ પીડામાંથી, આ દુ:ખમાંથી, સત્તાનો માર્ગ છોડીને પ્રજાની વચ્ચે આવવાનો નિર્ણય ભારતીય જનતા પાર્ટીએ કર્યો હતો અને ત્યારથી જ આપણા વરિષ્ઠ નેતાઓના નેતૃત્વમાં, કાર્યકર્તાઓના અથાગ પરિશ્રમના કારણે આ પાર્ટીએ સામાન્ય પ્રજાની આશા-આકાંક્ષાઓની પૂર્તિ માટેના પ્રયાસોનો શુભારંભ કર્યો હતો.

ભારતીય જનતા પાર્ટીનો જન્મ સત્તા પ્રત્યેની ભૂખના કારણે નથી થયો, ભારતીય જનતા પાર્ટીનો જન્મ સત્તાના દલાલોની ભલાઈ કરવા માટે નથી થયો. આ પાર્ટીનો જન્મ દેશના કરોડો નાગરિકોનું ભાગ્ય બદલવા માટે થયો છે, તેમના કલ્યાણ માટે થયો છે. અને જ્યારે કોઈ સારું કામ કરે છે તો અવરોધો ઓછા નથી આવતા. ભાઈઓ-બહેનો, ક્યારેક હું કેરળની બાજુ નજર કરું છું. શું કારણ છે કે સામ્યવાદીઓના સતત હુમલાઓ થવા છતાં, પણ આપણા સેંકડોં કાર્યકર્તાઓને મોતને ઘાટ ઉતારવા છતાં પણ, ભલે કેરળ હોય કે બંગાળ હોય, ભારતીય જનતા પાર્ટીના કાર્યકર્તાઓને જીત મળે કે ના મળે, જિંદગી ખપાવી દેવામાં ક્યારેય બાંધછોડ નથી કરતા..! શું કારણ છે કે સત્તાની ગલીઓથી દૂર-દૂર સુધી કોઈ સબંધ ન હોવા છતાં પણ એક ભારત માતાની જય માટે પોતાનું જીવન ન્યૌછાવર કરવાવાળા લક્ષાવતી લોકો આજે ભારતીય જનતા પાર્ટીનો ઝંડો ઉઠાવીને ચાલી રહ્યા છે..! હું દિલ્લીમાં બેઠેલા શાસકોને ચેતવણી આપું છું કે જો તમે એવું માનતા હોવ કે તમારા સી.બી.આઈ. ના હુમલા ભારતીય જનતા પાર્ટીને નિરાશ કરી મુકશે, તો તમે એમ માનવામાં ભૂલ કરો છો. તમને એવું લાગે છે કે પોતાના ગવર્નરોના માધ્યમથી તમે ભારતીય જનતા પાર્ટીની સરકારોને હેરાન કરશો તો તમે લખીને રાખો, જ્યાં ભાજપની સરકારો છે, ત્યાં જનતા દિલ્લી સરકાર અને કોંગ્રેસ પાર્ટીના આ વલણને વીણી-વીણીને જવાબ આપે છે અને આપતી રહેશે..! સારી બંધારણીય સંસ્થાઓને ભારતીય જનતા પાર્ટીની સરકારોને પરેશાન કરવા, ભારતીય જનતા પાર્ટીના કાર્યકર્તાઓને પરેશાન કરવા, ભારતીય જનતા પાર્ટીના પક્ષને મુશ્કેલીઓમાં મૂકવો, આના માટે જ ઉપયોગમાં લેવામાં આવે છે. કોંગ્રેસના મિત્રો, આ દિલ્લીમાં તમારી સત્તાનો નશો વધારે દિવસો સુધી ટકવાનો નથી..!

ભાઈઓ-બહેનો, કોંગ્રેસમાં અને ભારતીય જનતા પાર્ટી વચ્ચે બહુ મોટો ફેર છે. ભારતીય જનતા પાર્ટીની વિચારધારા અને કોંગ્રેસ પાર્ટીની વિચારધારા વચ્ચે ક્યારેય કોઈ મેળ ન પડી શકે. ભાજપાનું ચારિત્ર્ય અને કોંગ્રેસના ચારિત્ર્યની ક્યારેય કોઈ સરખામણી ન કરી શકે. ભાઈઓ-બહેનો, કોંગ્રેસ જેના પર આસન લગાવીને બેઠી છે, જેના શબ્દો કોંગ્રેસની નીતિ માનવામાં આવે છે એવા એક નેતાનું મેં બે દિવસ પહેલા ભાષણ સાંભળ્યું. મિત્રો, મને ખૂબ જોરથી આંચકો લાગ્યો, મનમાં એક દુ:ખ થયું કે શું આ લોકો દેશના વિષયમાં આવું વિચારે છે..? ભાઈઓ-બહેનો, કોંગ્રેસના એક નેતા કહી રહ્યા છે અને કોંગ્રેસ પાર્ટીની વિચારધારાને પ્રગટ કરી રહ્યા છે કે આ ભારતદેશ એક મધપૂડો છે. મારા કોંગ્રેસના મિત્રો, તમારા માટે આ દેશ મધપૂડો હોઈ શકે છે, પરંતુ અમારા માટે તો આ દેશ અમારી માં છે..! આ ભારત દેશ અમારી માતા છે, તેના સો કરોડ દેશવાસીઓ અમારા ભાઈ-બહેન છે..! આ પવિત્ર ભૂમિ છે, આ ઋષિમુનિઓની ભૂમિ છે, અટલ બિહારી બાજપાઈ કહ્યા કરતા હતા કે અહીંના કંકરે-કંકર અમારા માટે શંકર છે, અટલ બિહારી બાજપાઈ કહ્યા કરતા હતા કે ગંગાજીમાં વહાવેલી મારી અસ્થિને લઈને કાન માંડશો તો તેમાંથી પણ અવાજ આવશે, ભારત માતાની જય..! આ અમારા સંસ્કાર છે. અમારા માટે આ મા છે મા..! આ માની પીડા અમે જોઈ નથી શકતા. આ અમારી મા છે, જેના સંતાનોનું દુ:ખ-દર્દ અમારી ચિંતાનું કારણ છે. તમારા માટે આ મધપૂડો હશે, અમારા માટે તો આ અમારી મા છે..! અને મહેરબાની કરીને કોંગ્રેસના મિત્રો, અમારી ભારતમાતાનું અપમાન ન કરો, તમને જો હિંદુસ્તાનના લોકોની ભાષા સમજમાં ન આવતી હોય તો ક્યાંકથી શીખી લો, પરંતુ તમારા અજ્ઞાનના કારણે મારા દેશની સંસ્કૃતિ અને પરંપરાને બરબાદ કરવાનું પાપ ન કરો..! ભાઈઓ અને બહેનો, હું કદી કોઈ નેતાના ભાષણ પર સમય બરબાદ નથી કરતો, કારણ કે તે ધ્યાન દેવા યોગ્ય હોતા પણ નથી. પરંતુ જ્યારે અમારી ભાવનાઓને ઠેસ પહોંચાડવામાં આવે છે ત્યારે માના કલ્યાણ માટે જીવન ખપાવવાળા લક્ષાવતી કાર્યકર્તાઓને પીડા થવી ખૂબ સ્વાભાવિક છે. ભાઈઓ-બહેનો, હું પરેશાન છું..! આ દેશમાં પાણીની સમસ્યા છે, તેની દેશના નેતાઓને ખબર જ નથી. તમારા પર અમને દયા આવે છે..! અમારા ગુજરાત કોંગ્રેસના નેતા પાણીને લઈને ગુજરાતના નાગરિકોને ભ્રમિત કરવાનો પ્રયાસ કરી રહ્યા છે. હું કોંગ્રેસના મિત્રોને પ્રાર્થના કરું છું, હાકલ કરું છું કે જો તમને ગુજરાતના ખેડૂતોની ચિંતા છે અને સાચા હૃદયથી ચિંતા છે તો તમે સમય બરબાદ કર્યા વગર દિલ્લીની તમારી સરકાર પર દબાણ લાવો અને સરદાર સરોવર ડૅમની ઊંચાઈનું કામ જે અટકી ગયું છે તેને પહેલા પૂરું કરો. મારા પાર્ટીના મારા કાર્યકર્તાઓ, ગામે-ગામથી અવાજ ઉઠવો જોઇએ, અમારા નર્મદા ડૅમનું કામ પૂર્ણ કરવા માટે હવે અમે વધારે સમય રાહ જોવા તૈયાર નથી..! અમે દિલ્લીના શાસનને પડકારીશું અને કોંગ્રેસના લોકોએ દરેક ગલી-મહોલ્લામાં જવાબ આપવો પડશે. ભાઈઓ-બહેનો, કોંગ્રેસ પાર્ટી પાસેથી સુધરવાની આશા ન રાખતા, તેઓ ક્યારેય સુધરી નહીં શકે..! ગુજરાતની પ્રજાએ જે રીતે કોંગ્રેસ પાર્ટીને સજા આપી છે, જે પ્રકારે તેના એક-એક દિગ્ગજ નેતાઓને ગુજરાતની જનતાએ પરાસ્ત કરી દીધા છે... જે ભાષા છેલ્લા પાંચ વર્ષમાં તેઓ પ્રયોગ કરી રહ્યા છે, જે જૂઠાણાઓના સહારે ગુજરાતની જનતાને ભ્રમિત કરવાનો રાત-દિવસ પ્રયત્ન કરી રહ્યા છે, જે ગંદી ગાળોનો ઉપયોગ થઈ રહ્યો હતો... ગુજરાતની જનતાએ તે ભાષા બોલવાવાળા લોકોને વીણી-વીણીને સાફ કરી દીધા. આશા હતી કે તેઓ સમજશે, સુધરશે અને લોકતંત્રની મર્યાદાઓનું પાલન કરશે, પરંતુ ભાઈઓ અને બહેનો, આ સરકારને હજુ તો કાલે 101 દિવસ થયા છે, પરંતુ 100 દિવસ પણ તેઓ રાહ જોવા તૈયાર નથી, તેમની મનોસ્થિતિ શું હશે તેનો અંદાજ તમે લગાવી શકો છો.! ભાઈઓ-બહેનો, ભારતીય જનતા પાર્ટી વિકાસના મંત્રને લઈને ચાલી છે. આજે ગુજરાતની ધરતી પર આપણા રાષ્ટ્રીય અધ્યક્ષ પધાર્યા છે ત્યારે હું ગુજરાતની જનતા તરફથી તેમને કહેવા માગું છું કે આજે ચારે તરફથી તમે આટલું વિશાળ દિલ બતાવ્યું છે, સાર્વજનિક જીવનમાં આટલી ઊંચાઈનો અનુભવ કરાવ્યો છે, મારા જેવા નાના કાર્યકર્તાને તમે ખૂબ મોટાઈ પ્રદાન કરી છે, ભાઈઓ-બહેનો, રાજનીતિમાં આ નાની ઘટના નથી હોતી, પોતાના સાથીને આટલી ઊંચાઈ પર લઈ જવા માટે ખૂબ મોટું દિલ જોઇએ..! પરંતુ આજે હું કહેવા માગું છું કે તમે મને જે માન-સન્માન આપ્યું છે, તમે મને જે ઈજ્જત આપી છે, દેશભરના કાર્યકર્તાઓના દિલમાં મારી જગ્યા બનાવવા માટે તમે કોઈ કસર છોડી નથી, પરંતુ આ યશ ભલે મોદીને મળતો હશે , નામ ભલે મોદીનું લેવાતું હશે, પરંતુ આ યશના ખરા હકદાર આ બધા મારા ભાઈ-બહેન છે, મારા કાર્યકર્તાઓ છે..! મારા કાર્યકર્તા ભાઈઓ-બહેનો, તમે પરિશ્રમ ન કર્યો હોત, તમે વિકાસમાં વિશ્વાસ ના કર્યો હોત, તમે દેશની ભલાઈના મંત્રને ચરિતાર્થ ન કર્યો હોત તો નરેન્દ્ર મોદીને કોણ ઓળખનાર હતું..? આ ઓળખ તમારા કારણે બની છે, તમારા પુરૂષાર્થના કારણે બની છે, તમારા ત્યાગ અને તપશ્ચર્યાને કારણે બની છે. અને આજે જ્યારે ભારતીય જનતા પાર્ટીનો જન્મ દિવસ છે, હું તમને સૌને અભિનંદન આપું છું, તમને સૌને વંદન કરું છું..! મારા કાર્યકર્તા ભાઈઓ-બહેનો, મેં પહેલા જ દિવસથી જ્યારથી આ કાર્ય સંભાળ્યું છે, તે દિવસથી હું કહું છું, આજે ફરીથી કહું છું કે હું પરિશ્રમ કરવામાં કોઈ કમી નહિં રાખું, હું બદઇરાદાથી કોઈ પાપ નહિં કરું..! ભાઈઓ-બહેનો, હું જ્યારે કહું છું કે ‘ઇન્ડિયા ફર્સ્ટ’, તો તે લક્ષ્યથી, તે માર્ગથી ભારતીય જનતા પાર્ટી કદી વિચલિત ન થઈ શકે. અમારા માટે પક્ષથી મોટો દેશ છે. અમે દેશ માટે જીવવા-મરવાવાળા લોકો છીએ, ગલી-મહોલ્લામાં પણ કામ કરીશું, પરંતુ ભારતમાતા માટે કરીશું. અમે ગુજરાતની સેવા કરીએ છીએ, પરંતુ અમારો તો મંત્ર છે, ‘ભારતના વિકાસ માટે ગુજરાતનો વિકાસ’..! આપણે સૌએ મા ભારતીના કલ્યાણ માટે, નિરાશાની ખાઈમાં ડૂબેલા સમાજમાં એક નવો વિશ્વાસ પેદા કરવા માટે આપણા આ કાર્યને આપણે કરતું રહેવાનું છે. ભાઈઓ-બહેનો, ભારતીય જનતા પાર્ટી આજે આખા દેશમાં એક આશાનું કિરણ બની ગઈ છે. અને આ વાત પૉલિટિકલ પંડિત છે તે જાણે છે. પૉલિટિકલ પાર્ટીઓનો જન્મ થયા બાદ એંશી-એંશી વર્ષ સુધી તેમને સત્તા સ્થાન પર પહોંચવાનો મોકો નથી મળ્યો, એવા દુનિયામાં ઘણા ઉદાહરણ છે. આ ભારતીય જનતા પાર્ટી છે, આટલો વિશાળ દેશ, આટલી મોટી લોકશાહી, પરંતુ જન્મથી જવાની સુધીની યાત્રા પૂરી થાય ત્યાં સુધી પહોંચતાં-પહોંચતા આ દેશની જનતાએ અટલ બિહારી બાજપાઈના નેતૃત્વમાં અમને સેવા કરવાનો મોકો આપ્યો હતો. ઈંગ્લેન્ડની લેબર પાર્ટીને એંશી વર્ષ સુધી મોકો મળ્યો ન હતો. ભારતીય જનતા પાર્ટીની જન્મથી જુવાની સુધીની યાત્રા પૂરી થાય તે પહેલાં જ દેશની જનતાએ તેના પર અમીવર્ષા કરી દીધી હતી. તમે કલ્પના કરી શકો છો કે લોકો કોંગ્રેસથી કેટલા તંગ આવી ગયા છે, લોકો દેશની બરબાદીથી કેટલા તંગ આવી ગયા છે..! અને ત્યારે જઈને ભાઈઓ-બહેનો, ભારતમાનું ભાગ્ય બદલવું એ ભારતીય જનતા પાર્ટીના દરેક કાર્યકર્તાની જવાબદારી છે. સ્વામી વિવેકાનંદજીની સ્મૃતિમાં આપણે આ 150મું વર્ષ મનાવી રહ્યા છીએ. વિવેકાનંદજીનું સપનું પૂરું કરવા માટે દેશવાસીઓને બહારથી કોઈ નવી પ્રેરણાની જરૂર નથી. વિવેકાનંદજીના શબ્દો પૂરતા છે, વિવેકાનંદજીનો સંદેશ પૂરતો છે, વિવેકાનંદજીનું જીવન જ પૂરતું છે..! તેમાંથી પ્રેરણા લઈને એક નવા ઉમંગ અને વિશ્વાસ સાથે આગળ વધવાનું છે. ભાઈઓ-બહેનો, આજે ભારતીય જનતા પાર્ટી જ્યાં પણ પહોંચી છે, ગુજરાતમાં ભારતીય જનતા પાર્ટીએ જે પરિસ્થિતિ પેદા કરી છે તે કોઈ એક વ્યક્તિના કારણે નથી. પેઢીઓની પેઢીઓ પસાર થઈ ગઈ, પરિવારનાં પરિવાર આ પાર્ટી માટે ખપી ગયાં. એક જમાનો હતો, જો મોંઘવારી માટે ભાજપના કાર્યકર્તાઓ સરઘસ કાઢે તો 21-21 દિવસની સજા થતી હતી. આખો પરિવાર 21-21 દિવસ સુધી ગુજરાતની જેલોમાં રહેવા માટે મજબૂર થઈ જતો હતો. આવા અનેક કાર્યકર્તાઓના પરિશ્રમને કારણે આ પાર્ટી અહીંયા પહોંચી છે. આ પાર્ટીને અહીંયા પહોંચાડવા માટે પોતાના પરિવારોને ખપાવી દેવાવાળા, પોતાની જવાનીને ખપાવી દેવાવાળા એ લક્ષાવધી કાર્યકર્તાઓનું આજે હું પુણ્યસ્મરણ કરું છું, તેમનું અભિનંદન કરું છું, તેમને વંદન કરું છું..! ભાઈઓ-બહેનો, એક મહત્વપૂર્ણ કાર્યક્રમ આજે આપણે કરવાનો છે. આપણે અહીંથી સંકલ્પ લઈને જવાના છીએ. આપણી પાર્ટીના પૂર્વ અધ્યક્ષ શ્રીમાન રૂપાલાજી આપણને બધાને એક સંકલ્પ લેવડાવવાના છે. પરંતુ આ સંકલ્પની એક વિશેષતા છે આપણા હાથમાં એક મીણબત્તી આપવામાં આવી છે, જેને પ્રજ્જવલિત કરવાની છે, , જ્યારે મીણબત્તી પ્રજ્જવલિત થશે ત્યારે બધી રોશની બંધ થવાની છે. ભાઈઓ-બહેનો, આ પ્રકાશની તરફ જવાનો સંદેશ છે, અને ઘરે-ઘરે, ગામે-ગામ કમળ ખિલાવવાનો સંદેશ છે. અને જે લોકો ભારતીય જનતા પાર્ટીને રાત-દિવસ ગાળો આપે છે, નવી-નવી ડિક્શનરીના શબ્દો કાઢે છે તેઓ કાન ખોલીને સાંભળી લે, તમે ભારતીય જનતા પાર્ટી પર જેટલો વધારે કાદવ ઉછાળશો, કમળ એટલું જ વધારે ખીલવાનું છે. આ કમળનો સંદેશ લઈને આવો, મારા ભાઈઓ-બહેનો, આજે આપણી પાર્ટીના 33 વર્ષની યાત્રાનું ગૌરવ કરતા એક નવી યાત્રાનો શુભ સંકલ્પ કરીને જઈએ, મારી તમને બધાને પ્રાર્થના છે કે તમને બધાને જે મીણબતીઓ આપવામાં આવી છે તેને પ્રજ્જવલિત કરો અને અહીંની વ્યવસ્થાવાળાઓને મારી પ્રાર્થના છે કે સ્ટેડિયમમાં વધારે લાઈટો બંધ કરીને આ નજારાનો અનુભવ કરો અને જ્યાં સુધી આ વિધિ પૂરી ન થાય, આપણે આપણું સ્થાન છોડીશું નહીં, આપણે જઈશું નહીં, મારી સાથે બોલો - ભારત માતાની જય..! ભારત માતાની જય..! ભારત માતાની જય..!

'મન કી બાત' માટે તમારા વિચારો અને સૂચનો શેર કરો.
Modi Govt's #7YearsOfSeva
Explore More
‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી

લોકપ્રિય ભાષણો

‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી
PM Modi to embark on 3-day visit to US to participate in Quad Leaders' Summit, address UNGA

Media Coverage

PM Modi to embark on 3-day visit to US to participate in Quad Leaders' Summit, address UNGA
...

Nm on the go

Always be the first to hear from the PM. Get the App Now!
...
ગોવામાં આરોગ્ય સંભાળ કર્મચારીઓ અને કોવિડ રસીકરણ કાર્યક્રમના લાભાર્થીઓ સાથે પ્રધાનમંત્રીના પરામર્શનો મૂળપાઠ
September 18, 2021
શેર
 
Comments
પુખ્ત વયના લોકોની વસ્તીમાં 100% પ્રથમ ડોઝનું કવરેજ પૂરું કરવા બદલ ગોવાની પ્રશંસા કરી
આ પ્રસંગે શ્રી મનોહર પારિકરે આપેલી સેવાઓને યાદ કરી
ગોવાએ ‘સબકા સાથ, સબકા વિકાસ, સબકા વિશ્વાસ અને સબકા પ્રયાસ’નું શ્રેષ્ઠ પરિણામ બતાવ્યું છે: પ્રધાનમંત્રી
મેં સંખ્યાબંધ જન્મદિવસ જોયા છે અને તે ઘણા ભિન્ન રહ્યાં છે પરંતુ મારા આટલા વર્ષો સુધીના સમયમાં, ગઇકાલના દિવસે મને ખૂબ જ ભાવુક બનાવી દીધો કારણ કે 2.5 કરોડ લોકોએ રસી લીધી: પ્રધાનમંત્રી
ગઇકાલનો દિવસ દર કલાકે 15 લાખ કરતાં વધારે લોકોના રસીકરણનો સાક્ષી બન્યો, દર મિનિટે 26 હજાર કરતાં વધારે લોકોએ અને દર સેકન્ડે 425 કરતાં વધારે લોકોએ રસી લીધી: પ્રધાનમંત્રી
એક ભારત, શ્રેષ્ઠ ભારતની કલ્પનાનું નિરુપણ કરતી ગોવાની દરેક સિદ્ધિ મને ખૂબ જ આનંદની અનુભૂતિ કરાવે છે: પ્રધાનમંત્રી
ગોવા ફક્ત દેશનું એક રાજ્ય નથી પરંતુ બ્રાન્ડ ભારતનું મજબૂત સર્જક છે: પ્રધાનમંત્રી

ગોવાના ઉર્જાવાન અને લોકપ્રિય મુખ્યમંત્રી શ્રી પ્રમોદ સાવંતજી, કેન્દ્રીય મંત્રીમંડળના મારા સાથી ગોવાના સપૂત શ્રીપાદ નાયકજી, કેન્દ્ર સરકારના મંત્રી પરિષદના મારાં સાથી ડોકટર ભારતી પવારજી ગોવાના તમામ મંત્રીઓ, સાંસદો અને ધારાસભ્યો અન્ય લોક પ્રતિનિધિઓ, તમામ કોરોના વૉરિયર, ભાઈઓ અને બહેનો.

गोंयच्या म्हजा मोगाल भावा बहिणींनोतुमचे अभिनंदन.

આપ સૌને ગણેશ પર્વની ખૂબ ખૂબ શુભેચ્છાઓ. અનંતચતુર્દશીના પવિત્ર તહેવારના દિવસે આપણે બપ્પાને વિદાય આપીશું, તમારા હાથમાં અનંત દોરાઓ પણ બાંધવામાં આવશે. અનંત સૂત્ર એટલે જીવનમાં સુખ-સમૃદ્ધિ, લાંબા આયુષ્યના આશીર્વાદ.

મને ખુશી છે કે આ પવિત્ર દિવસ પહેલાં ગોવાના લોકોએ પોતાના હાથ ઉપર, ખભા ઉપર જીવન રક્ષા સૂત્ર એટલે કે રસી લગાવવાનું કામ પૂરૂ કર્યું છે. ગોવામાં દરેક પાત્ર વ્યક્તિને રસીનો એક ડોઝ લાગી ચૂક્યો છે. કોરોના સામેની લડાઈમાં આ ઘણી મોટી વાત છે. આ માટે ગોવાના તમામ લોકોને ખૂબ ખૂબ અભિનંદન.

સાથીઓ,

ગોવા એક એવું પણ રાજય છે કે જ્યાં ભારતની વિવિધતાની શક્તિનાં દર્શન થાય છે. પૂર્વ અને પશ્ચિમની સંસ્કૃતિ, રહેણી-કરણી, ખાન-પાન, અહીં એક જ જગ્યાએ જોવા મળે છે. અહીં ગણેશોત્સવ પણ મનાવાય છે અને દિવાળી પણ ધામધૂમથી ઉજવવામાં આવે છે તથા ક્રિસમસ દરમિયાન તો ગોવાની રોનક ઘણી જ બદલાઈ જાય છે. આવુ કરીને ગોવા પોતાની પરંપરાઓનું પાલન કરે છે. એક ભારત- શ્રેષ્ઠ ભારતની ભાવનાને નિરંતર મજબૂત કરતા ગોવાની દરેક ઉપલબ્ધિ માત્ર મને જ નહીં, પણ સમગ્ર દેશને ખુશી પૂરી પાડે છે.

ભાઈઓ અને બહેનો,

આ મહત્વના પ્રસંગે મને મારા મિત્ર અને સાચા કર્મયોગી સ્વ. મનોહર પારિકરજીની યાદ આવે તે સ્વાભાવિક છે. 100 વર્ષના સૌથી મોટા સંકટ સામે ગોવાએ જે પ્રકારે લડાઈ લડી છે, પારિકરજી જો આપણી વચ્ચે હોત તો તેમને તમારી આ સિધ્ધિથી, તમારી આ સિધ્ધિ માટે ખૂબ જ આનંદ થાત.

દુનિયામાં સૌથી મોટુ અને સૌથી ઝડપી રસીકરણ અભિયાન-સૌને રસીમફત રસી-ની સફળતામાં ગોવા મહત્વની ભૂમિકા નિભાવી રહ્યું છે. વિતેલા થોડાક મહિનામાં ગોવામાં ભારે વરસાદ, વાવાઝોડું, પૂર જેવી કુદરતી આપત્તિઓ સામે પણ ગોવાએ બહાદુરીથી લડત આપી છે. આ પ્રાકૃતિક પડકારોની વચ્ચે પણ પ્રમોદ સાવંતજીના નેતૃત્વમાં ઘણી બહાદુરીથી લડત આપવામાં આવી છે. આ કુદરતી ઓફતોની વચ્ચે પણ કોરોના રસીકરણની ગતિ જાળવી રાખવા માટે તમામ કોરોના વોરિયર્સને, આરોગ્ય કર્મચારીઓને અને ટીમ ગોવાના દરેક વ્યક્તિને ખૂબ ખૂબ અભિનંદન.

અહીં અનેક સાથીદારોએ પોતાનો અનુભવ મારી સમક્ષ રજૂ કર્યો તેનાથી સ્પષ્ટ જણાઈ આવે છે કે આ અભિયાન કેટલુ મુશ્કેલ હતું. ઉછળતી નદીઓને પાર કરીને, રસીને સુરક્ષિત રાખીને, દૂર દૂર પહોંચવા માટે કર્તવ્ય ભાવ પણ જોઈએ. સમાજ તરફ ભક્તિ પણ જોઈએ અને અપ્રતિમ સાહસની જરૂર પણ પડે છે. આપ સૌ રોકાયા વગર કે થાક્યા વગર માનવતાની સેવા કરી રહ્યા છો. તમારી આ સેવા હંમેશા હંમેશા યાદ રાખવામાં આવશે.

સાથીઓ,

સબકા સાથ, સબકા વિકાસ, સબકા વિશ્વાસ ઓર સબકા પ્રયાસ થી આ તમામ બાબતો કેવા ઉત્તમ પરિણામો આપી શકે છે તે ગોવાની સરકારે, ગોવાના નાગરિકોએ, ગોવાના કોરોના વૉરિયર્સે, ફ્રન્ટલાઈન વર્કર્સે કરી બતાવ્યું છે. સામાજિક અને ભૌગોલિક પડકારો પાર પાડવા માટે જે પ્રકારે ગોવાએ સમન્વય દર્શાવ્યો છે તે ખૂબ જ પ્રશંસનીય છે. પ્રમોદજી તમને અને તમારી ટીમને ખૂબ ખૂબ અભિનંદન. રાજ્યના દૂર દૂરના વિસ્તારોમાં રહેતા, કેનાકોના સબ ડિવિઝનના બાકી રાજ્યોની જેમ જ ઝડપથી રસીકરણ થવું એ તેનું ખૂબ મોટું ઉદાહરણ છે.

મને આનંદ છે કે ગોવાએ પોતાની ગતિ ધીમી પડવા દીધી નથી. આ સમયે પણ આપણે વાત કરી રહ્યા છીએ ત્યારે બીજા ડોઝ માટે રાજ્યમાં રસી ઉત્સવ ચાલી રહ્યો છે. આવા ઈમાનદાર, એકનિષ્ઠ પ્રયાસોના કારણે જ સંપૂર્ણ રસીકરણ બાબતે ગોવા દેશનું અગ્રણી રાજ્ય બનવા તરફ આગળ ધપી રહ્યું છે અને એ પણ સારી બાબત છે કે ગોવા માત્ર પોતાની વસતીને જ નહીં, પણ અહીં આવનારા પ્રવાસીઓ, બહારથી આવનારા શ્રમિકોને પણ રસી લગાવી રહ્યું છે.

સાથીઓ,

આજે આ પ્રસંગે હું દેશના તમામ ડોક્ટરો, મેડિકલ સ્ટાફ, વહિવટ સાથે જોડાયેલા લોકોની પણ પ્રશંસા કરવા ઈચ્છું છું. તમારા સૌના પ્રયાસોથી જ ગઈકાલે ભારતમાં એક જ દિવસમાં અઢી કરોડથી વધુ લોકોને રસી આપવાનો વિક્રમ રચવામાં આવ્યો છે. વિશ્વના મોટા મોટા અને સમૃધ્ધ તથા સામર્થ્યવાન માનવામાં આવતા દેશ પણ આ કરી શક્યા નથી. કાલે આપણે કોવિન ડેશબોર્ડ જોઈ રહ્યા હતા કે દેશ કેવી રીતે મટકું માર્યા વગર અને રસીના વધતા જતા આંકડા જોઈને ઉત્સાહ અનુભવી રહ્યો હતો.

ગઈ કાલે દર કલાકે 15 લાખથી વધુ રસીકરણ થયું છે. દરેક મિનિટે 26 હજારથી વધુ લોકોનું રસીકરણ થયું. દર સેકંડે સવા ચારસોથી વધુ લોકોને રસી આપવામાં આવી. દેશના ખૂણે ખૂણે ઉભા કરવામાં આવેલા 1 લાખથી વધુ રસીકરણ કેન્દ્રો ઉપર લોકોએ રસી લગાવડાવી છે. ભારતની પોતાની રસી, રસીકરણ માટે આટલું મોટું નેટવર્ક અને કુશળ માનવબળ એ બધુ ભારતનું સામર્થ્ય દેખાડે છે.

સાથીઓ,

ગઈ કાલની તમારી જે સિધ્ધિ છે તે સમગ્ર વિશ્વમાં માત્ર રસીકરણના આંકડાના આધારે જ નથી, પણ ભારત પાસે કેટલું સામર્થ્ય છે તેની ઓળખ દુનિયાને થવાની છે અને એટલા માટે તેનું ગૌરવ લેવું તે દરેક ભારતીયનું કર્તવ્ય પણ છે અને તે માટે સ્વભાવ પણ હોવો જોઈએ.

સાથીઓ,

હું આજે મારા મનની વાત પણ કહેવા માંગુ છું. જન્મદિવસ તો ઘણાં આવ્યા અને ઘણાં ગયા, પણ હું હંમેશા મનથી આવી બાબતોથી અળગો રહું છું. આવી ચીજોથી હું દૂર રહું છું, પણ મારી આટલી ઉંમરમાં ગઈકાલનો દિવસ મારા માટે ખૂબ જ ભાવુક બનાવી દેનાર હતો. જન્મદિવસ મનાવવાની ઘણી બધી પધ્ધતિઓ હોય છે. લોકો અલગ અલગ પ્રકારે મનાવે પણ છે. જન્મદિવસ મનાવે છે તેથી તે ખોટું કરે છે તેવું માનનારા લોકોમાં હું નથી, પરંતુ આપ સૌના પ્રયાસોના કારણે ગઈકાલનો દિવસ મારા માટે ખૂબ જ ખાસ બની ગયો હતો.

તબીબી ક્ષેત્રના લોકો કે જે છેલ્લા દોઢ વર્ષથી દિવસ રાત કામ કરી રહ્યા છે. પોતાના જીવની પરવા કર્યા વગર કોરોના સામે લડવામાં દેશવાસીઓની મદદ કરી રહ્યા છે, તેમણે ગઈ કાલે જે રીતે રસીકરણનો વિક્રમ રચી બતાવ્યો છે તે ઘણી મોટી બાબત છે. દરેક વ્યક્તિએ એમાં ઘણો સહયોગ આપ્યો છે. લોકોએ આ સેવાની સાથે પોતાને જોડ્યા છે. આ તેમનો કરૂણાભાવ, કર્તવ્ય ભાવ પણ છે, જેના કારણે રસીના અઢી કરોડ ડોઝ આપી શકાયા.

અને હું માનું છું કે રસીનો દરેક ડોઝ એક જીવ બચાવવામાં મદદ કરે છે. અઢી કરોડથી વધુ લોકોને આટલા ઓછા સમયમાં આટલું મોટું સુરક્ષા કવચ મળ્યું તેનાથી ખૂબ સંતોષ પ્રાપ્ત થાય છે. જન્મ દિવસ આવશે, જશે પણ કાલનો આ દિવસ મારા મનને સ્પર્શી ગયો છે. યાદગાર બની ગયો છે. હું જેટલા ધન્યવાદ આપું તેટલા ઓછા છે. હું હૃદયપૂર્વક દરેક દેશવાસીને નમન કરૂં છું અને તમામ લોકોનો આભાર માનું છું.

ભાઈઓ અને બહેનો,

ભારતનું રસીકરણ અભિયાન માત્ર આરોગ્યનું સુરક્ષા કવચ જ નહીં, પણ એક રીતે કહીએ તો આજીવિકાની સુરક્ષા માટેનું પણ કવચ છે. આપણે જોઈએ છીએ કે પ્રથમ ડોઝ લેવા બાબતે હિમાચલમાં 100 ટકા સિધ્ધિ પ્રાપ્ત થઈ છે. ગોવામાં પણ 100 ટકા રસીકરણ થઈ ચૂક્યું છે. ચંદીગઢ અને લક્ષદીપમાં પણ તમામ પાત્ર વ્યક્તિઓને રસીનો ડોઝ મળી ચૂક્યો છે. સિક્કીમ પણ ખૂબ જલ્દી 100 ટકા બનવા તરફ આગળ વધી રહ્યું છે. આંદામાન, નિકોબાર, કેરાલા, ઉત્તરાખંડ, દાદરા અને નગર હવેલી પણ હવે ઝાઝા દૂર નથી.

સાથીઓ,

એની ખાસ ચર્ચા થઈ નથી, પણ ભારતે પોતાના રસીકરણ અભિયાનમાં પ્રવાસન ક્ષેત્ર સાથે જોડાયેલા રાજ્યોને ખૂબ જ અગ્રતા આપી છે. શરૂઆતમાં અમે કહ્યું ન હતું, કારણ કે તેની ઉપર પણ રાજનીતિ થવા લાગે છે, પરંતુ એ ખૂબ જરૂરી હતું કે આપણાં પ્રવાસન સ્થળો વહેલામાં વહેલા ખૂલે. હવે ઉત્તરાખંડમાં પણ ચાર ધામ યાત્રા શક્ય બની છે અને આ પ્રયાસોની વચ્ચે ગોવામાં 100 ટકા સિધ્ધિ પ્રાપ્ત થવી તે ખૂબ જ વિશેષ બાબત છે.

પ્રવાસન ક્ષેત્રને પુનર્જીવિત કરવામાં ગોવાની ભૂમિકા ખૂબ જ મહત્વની છે. હોટલ ઉદ્યોગના લોકો હોય, ટેક્સી ડ્રાઈવર હોય, ફેરીવાળા હોય, દુકાનદાર હોય. જ્યારે તમામને રસી લાગી ગઈ હોય ત્યારે પ્રવાસી પણ સુરક્ષાની ભાવના સાથે અહીં આવશે. હવે ગોવા, દુનિયાના ખૂબ ઓછા ગણ્યા ગાંઠ્યા આંતરરાષ્ટ્રીય પ્રવાસન મથકોમાં સામેલ થઈ ચૂક્યું છે, જ્યાં લોકોને રસીની સુરક્ષાનું કવચ પ્રાપ્ત થયું છે.

સાથીઓ,

પ્રવાસનની આગામી સિઝનમાં અહીંયા અગાઉની જેમ જ પ્રવાસન પ્રવૃત્તિ ચાલુ રહે, દેશ અને દુનિયાના પ્રવાસીઓ અહીંયા આનંદ લઈ શકે તેવી આપણાં સૌની ઈચ્છા હોય છે. આવુ ત્યારે જ શક્ય બને છે કે જ્યારે કોરોના સાથે જોડાયેલી સાવચેતીઓ બાબતે પણ એટલું જ ધ્યાન રાખવામાં આવે. જેટલું ધ્યાન રસીકરણ તરફ આપવામાં આવ્યું છે તેના કારણે સંક્રમણ ઓછું થયું છે. હજુ પણ આપણે વાયરસને ઓછો આંકવો જોઈએ નહીં. સલામતી અને આરોગ્ય બાબતે જ્યાં જેટલુ ધ્યાન કેન્દ્રિત કરવામાં આવશે, પ્રવાસીઓ પણ એટલી જ મોટી સંખ્યામાં અહીં આવશે.

સાથીઓ,

કેન્દ્ર સરકારે પણ હાલમાં વિદેશી પ્રવાસીઓને પ્રોત્સાહન પૂરૂ પાડવા માટે અનેક પગલાં ભર્યા છે. ભારત આવનારા 5 લાખ પર્યટકોને મફત વિઝા આપવાનો નિર્ણય પણ કરવામાં આવ્યો છે. પ્રવાસ અને પ્રવાસન સાથે જોડાયેલા સહયોગીઓને રૂ.10 લાખ સુધીની લોન, 100 ટકા સરકારી ગેરંટી સાથે આપવામાં આવી રહી છે. રજીસ્ટર્ડ ટુરિસ્ટ ગાઈડને પણ રૂપિયા એક લાખ સુધીની લોન આપવાની વ્યવસ્થા કરવામાં આવી છે. કેન્દ્ર સરકાર હવે પછી પણ એવા તમામ આવશ્યક પગલાં ભરવા માટે કટિબધ્ધ છે કે જેનાથી પ્રવાસન ક્ષેત્રને ઝડપથી આગળ ધપવામાં સહાય પ્રાપ્ત થાય.

સાથીઓ,

ગોવાના પ્રવાસન ક્ષેત્રને આકર્ષક બનાવવા માટે અહીંના ખેડૂતો, માછીમારો અને અન્ય લોકોની સુવિધા માટે માળખાકીય સુવિધાઓ પણ ડબ એન્જીનની સરકારની ડબલ શક્તિ સાથે મળી રહી છે. ખાસ કરીને કનેક્ટિવીટા સાથે જોડાયેલી માળખાકીય સુવિધાઓ બાબતે ગોવામાં અભૂતપૂર્વ કામ થઈ રહ્યું છે. 'મોપા' માં બની રહેલું ગ્રીનફીલ્ડ એરપોર્ટ હવે પછીના થોડાક મહિનામાં તૈયાર થવાનું છે. આ એરપોર્ટને નેશનલ હાઈવે સાથે જોડવા માટે આશરે રૂ.12 લાખ કરોડના ખર્ચે 6 લેનનો એક આધુનિક કનેક્ટિંગ હાઈવે બનાવવામાં આવી રહ્યો છે. માત્ર નેશનલ હાઈવેના નિર્માણ માટે વિતેલા વર્ષોમાં હજારો કરોડ રૂપિયાનું મૂડી રોકાણ ગોવામાં કરવામાં આવ્યું છે.

એ પણ, ઘણી ખુશીની વાત છે કે નોર્થ ગોવાને સાઉથ ગોવા સાથે જોડવા માટે 'ઝૂરી બ્રીજ' નું લોકાર્પણ પણ હવે પછીના થોડાક મહિનામમાં થવાનું છે. જે રીતે તમે પણ જાણો છો કે આ બ્રીજ પણજીને 'માર્ગો' સાથે જોડે છે. મને કહેવામાં આવ્યું છે કે ગોવા મુક્તિ સંગ્રામની અનોખી ગાથાનું સાક્ષી 'અગૌડા' કિલ્લો પણ ખૂબ જ વહેલી તકે ફરીથી ખોલવામાં આવશે.

ભાઈઓ અને બહેનો,

ગોવાના વિકાસનો જે વારસો મનોહર પારિકરજી છોડીને ગયા છે તેને મારા મિત્ર પ્રમોદજી અને તેમની ટીમ સંપૂર્ણ ધ્યેય સાથે આગળ ધપાવી રહી છે. આઝાદીના અમૃતકાળમાં દેશ જ્યારે આત્મનિર્ભરતાનો નવો સંકલ્પ લઈને આગળ વધી રહ્યો છે ત્યારે ગોવાએ પણ સ્વયંપૂર્ણા ગોવા નો સંકલ્પ લીધો છે. મને જણાવવામાં આવ્યું છે કે આત્મનિર્ભર ભારત, સ્વંયપૂર્ણા ગોવાના આ સંકલ્પ હેઠળ ગોવામાં 50થી વધુ ઘટકોના નિર્માણ બાબતે કામ શરૂ થઈ ચૂક્યું છે. આ બાબત દર્શાવે છે કે ગોવા રાષ્ટ્રીય લક્ષ્યોની પ્રાપ્તિ માટે, યુવકો માટે રોજગારીની નવી તકો પૂરી પાડવા માટે કેટલી ગંભીરતા સાથે કામ કરી રહ્યું છે.

સાથીઓ,

આજે ગોવા માત્ર રસીકરણમાં જ અગ્રણી છે એવું નથી, પરંતુ વિકાસના અનેક માપદંડ બાબતે પણ દેશના અગ્રણી રાજ્યોમાં સ્થાન ધરાવે છે. ગોવાનું જે શહેરી અને ગ્રામ્ય ક્ષેત્ર છે તે સંપૂર્ણ રીતે ખૂલ્લામાં શૌચ મુક્ત થઈ રહ્યું છે. વિજળી અને પાણી જેવી પાયાની સુવિધાઓ બાબતે પણ ગોવામાં સારૂં કામ થઈ રહ્યું છે. ગોવા દેશનું એવું રાજ્ય છે કે જ્યાં 100 ટકા વિજળીકરણ થઈ ચૂક્યું છે. દરેક ઘરે નળથી પાણી આપવા બાબતે પણ ગોવાએ કમાલ કરી બતાવી છે. ગોવાના ગ્રામીણ વિસ્તારોમાં પણ દરેક ઘરમાં નળથી જળ પહોંચાડવાનો પ્રયાસ પ્રશંસનિય છે. જળ જીવન મિશન હેઠળ વિતેલા બે વર્ષમાં દેશમાં અત્યાર સુધીમાં આશરે 5 કરોડ પરિવારોને પાઈપથી પાણીની સુવિધા સાથે જોડવામાં આવ્યા છે. જે પ્રકારે ગોવાએ આ અભિયાનને આગળ ધપાવ્યું છે તે 'ગુડ ગવર્નન્સ' અને 'ઈઝ ઓફ લીવીંગ' બાબતે ગોવા સરકારની અગ્રતાઓ પણ સ્પષ્ટ કરે છે.

ભાઈઓ અને બહેનો,

સુશાસન બાબતે આવી કટિબધ્ધતા કોરોના કાળમાં ગોવા સરકાર બતાવી છે. દરેક પ્રકારના પડકારો હોવા છતાં કેન્દ્ર સરકારે પણ ગોવા માટે જે પણ મદદ કરી તેને ઝડપથી, કોઈપણ પ્રકારના ભેદભાવ વગર દરેક લાભાર્થી સુધી પહોંચાડવાનું કામ ગોવાની ટીમે કર્યું છે. દરેક ગરીબ, દરેક ખેડૂત, દરેક માછીમાર સાથી સુધી મદદ પહોંચાડવામાં કોઈ કસર રાખવામાં આવી નથી. અનેક મહિનાઓ સુધી ગોવાના ગરીબ પરિવારોને સંપૂર્ણ ઈમાનદારી સાથે મફત રાશન પૂરૂ પાડવામાં આવ્યું છે. મફત ગેસ સિલિન્ડર મળવાના કારણે ગોવાની અનેક બહેનોને મુશ્કેલ સમયમાં સહારો મળ્યો છે.

પીએમ કિસાન સન્માન નિધિમાંથી કરોડો રૂપિયા ગોવાના ખેડૂત પરિવારોના સીધા બેંકના ખાતામાં જમા થયા છે. કોરોના કાળમાં જ અહીંયા નાના ખેડૂતોને મિશન મોડમાં કિસાન ક્રેડિટ કાર્ડ આપવામાં આવ્યા છે અને એટલું જ નહીં, ગોવાના પશુપાલકો અને માછીમારોને પ્રથમ વખત મોટી સંખ્યામાં કિસાન ક્રેડિટ કાર્ડની સુવિધા મળી છે. પીએમ સ્વનિધિ યોજના હેઠળ પણ ગોવામાં લારી- ફેરી અને ઢેલાના માધ્યમથી વેપારી કરનારા સાથીઓને ઝડપથી લોન આપવાનું કામ ચાલી રહ્યું છે. આવા તમામ પ્રયાસોના કારણે ગોવાના લોકોને પૂર વખતે પણ ઘણી મદદ મળી છે.

ભાઈઓ અને બહેનો,

ગોવા અપાર સંભાવનાઓ ધરાવતો પ્રદેશ છે. ગોવા દેશનું એક રાજ્ય જ નથી, પણ બ્રાન્ડ ઈન્ડીયાની મજબૂત ઓળખ પણ છે. આપણાં સૌની એ જવાબદારી છે કે ગોવાની આ ભૂમિકાને આપણે વિસ્તારીએ. ગોવામાં આજે પણ જે સારૂં કામ થઈ રહ્યું છે તેમાં સાતત્ય જળવાય તે ખૂબ જ આવશ્યક છે. લાંબા સમય પછી ગોવામાં રાજકિય સ્થિરતા અને સુશાસનનો લાભ મળી રહયો છે.

આ પરંપરાને ગોવાના લોકો આવી જ રીતે જાળવી રાખશે તેવી શુભેચ્છા સાથે આપ સૌને ફરી એક વખત ખૂબ ખૂબ અભિનંદન. પ્રમોદજી અને તેમની સમગ્ર ટીમને અભિનંદન.

सगल्यांक देव बरें करूं

ધન્યવાદ!