વિકસિત ભારત યંગ લીડર્સ ડાયલોગ 2026ના સમાપન સત્ર દરમિયાન પ્રધાનમંત્રીના સંબોધનનો મૂળપાઠ
January 12th, 06:45 pm
કેન્દ્રીય મંત્રીમંડળમાં મારા સાથીઓ, બધા સંસદ સભ્યો, વિકસિત ભારત યંગ લીડર્સ ચેલેન્જના વિજેતાઓ, અન્ય મહાનુભાવો અને દેશભરના મારા બધા યુવા મિત્રો, જેમાં વિદેશના લોકોનો પણ સમાવેશ થાય છે, તેમને અહીં એક નવો અનુભવ થયો હશે. શું તમે થાકી નથી ગયા? બે દિવસથી આ જ ચાલી રહ્યું છે, તો હવે સાંભળતાં–સાંભળતાં થાક તો નથી ગયા ને? વાત તો એવી છે કે બેક સીટમાં મેં જેટલું કહેવું હતું, કહી દીધું. જ્યારે મેં પહેલી વાર મુખ્યમંત્રી તરીકે શપથ લીધા, ત્યારે મને લાગે છે કે તમારામાંથી ઘણા એવા યુવાનો હતા જેઓ જન્મ્યા પણ નહોતા. અને જ્યારે મેં 2014માં પ્રધાનમંત્રી તરીકે શપથ લીધા, ત્યારે તમારામાંથી મોટાભાગના લોકો બાળકો હતા. પરંતુ પહેલા મુખ્યમંત્રી તરીકે અને પછી હવે પ્રધાનમંત્રી તરીકે મને હંમેશા યુવા પેઢીમાં ખૂબ વિશ્વાસ રહ્યો છે. તમારી શક્તિ, તમારી પ્રતિભા અને તમારી ઊર્જાએ હંમેશા મને ઊર્જા આપી છે. અને આજે જુઓ, તમે બધા વિકસિત ભારતના લક્ષ્યને પ્રાપ્ત કરવાની બાગડોર સંભાળી રહ્યા છો.પ્રધાનમંત્રી શ્રી નરેન્દ્ર મોદીએ વિકસિત ભારત યંગ લીડર્સ ડાયલોગ 2026ને સંબોધિત કર્યું
January 12th, 06:30 pm
પ્રધાનમંત્રી શ્રી નરેન્દ્ર મોદીએ આજે નવી દિલ્હીમાં 'વિકસિત ભારત યંગ લીડર્સ ડાયલોગ 2026' ના સમાપન સત્રને સંબોધિત કર્યું હતું. આ પ્રસંગે મેળાવડાને સંબોધતા શ્રી મોદીએ નોંધ્યું હતું કે જ્યારે તેમણે પ્રથમ વખત મુખ્યમંત્રી તરીકે શપથ લીધા હતા, ત્યારે આજના ઘણા યુવાન નાગરિકોનો જન્મ પણ થયો ન હતો, અને જ્યારે તેમણે 2014 માં પ્રધાનમંત્રી તરીકે પદ સંભાળ્યું ત્યારે તેમાંથી મોટાભાગના બાળકો હતા. આટલો સમય વીતી ગયો હોવા છતાં, તેમણે ભારપૂર્વક જણાવ્યું હતું કે યુવા પેઢીમાં તેમનો વિશ્વાસ સ્થિર અને અટલ રહ્યો છે. શ્રી મોદીએ નોંધ્યું હતું કે, તમારી ક્ષમતા, તમારી પ્રતિભા, મેં હંમેશા તમારી ઊર્જામાંથી ઊર્જા મેળવી છે. અને આજે જુઓ, તમે બધા વિકસિત ભારતના લક્ષ્યની લગામ સંભાળી રહ્યા છો.ચંદ્રયાન-3 અભિયાનની સફળતા માટે ટીમ ઇસરોને પ્રધાનમંત્રીના સંબોધનનો મૂળપાઠ
August 26th, 08:15 am
આપ સૌની સમક્ષ આવીને આજે એક અલગ જ આનંદની લાગણી અનુભવી રહ્યો છું. કદાચ આ પ્રકારની ખુશી અત્યંત વિરલ પ્રસંગે જ થતી હોય છે. જ્યારે તન અને મન ખુશીઓથી ભરાઈ ગયું હોય અને વ્યક્તિના જીવનમાં ઘણી વાર એવા પ્રસંગ બનતા હોય છે કે તેની ઉપર આતુરતા છવાઈ જતી હોય છે. આ વખતે મારી સાથે પણ આમ જ બન્યું હતું. એટલી બધી આતુરતા. હું સાઉથ આફ્રિકામાં હતો તેમ છતાં પછી ગ્રીસનો કાર્યક્રમ હતો તો ત્યાં ચાલ્યો ગયો પરંતુ મારું મન સતત આપની સાથે જ લાગેલું રહ્યું હતું. પરંતુ ક્યારેક કયારેક લાગે છે કે હું આપ સૌની સાથે અન્યાય કરી દઉં છું. આતુરતા મારી અને મુશ્કેલી આપની. આટલા વહેલા આપ તમામને અને આટલો સમય પણ મન કહી રહ્યું હતું કે ત્યાં જાઉં અને આપને નમન કરું. આપને તકલીફ પડી હશે પરંતુ હું ભારતમાં આવતાની સાથે જ વહેલી તકે આપના દર્શન કરવા માગતો હતો. આપ સૌને સલામ કરવા માગતો હતો. સલામ આપના પરિશ્રમને, સલામ આપની ધીરજશક્તિને, સલામ આપની ધગશને, સલામ આપની જીવંતતાને, સલામ આપના ઉત્સાહ અને જુસ્સાને. આપ દેશને જે ઉંચાઈ પર લઈ ગયા છો તે કોઈ અસાધારણ સફળતા નથી. આ અનંત અંતરિક્ષમાં ભારતના વૌજ્ઞાનિક સામર્થ્યનો શંખનાદ છે.પ્રધાનમંત્રીએ ચંદ્રાયાન-3ની સફળતા પર ટીમ ISROને સંબોધન કર્યું
August 26th, 07:49 am
પ્રધાનમંત્રી શ્રી નરેન્દ્ર મોદીએ ગ્રીસથી પરત ફર્યા પછી બેંગાલુરુમાં ISRO ટેલીમેટ્રી ટ્રેકિંગ એન્ડ કમાન્ડ નેટવર્ક (ISTRAC)ની મુલાકાત લીધી હતી અને ચંદ્રાયાન-3ની સફળતા પર ટીમ ISROને સંબોધન કર્યું હતું. પ્રધાનમંત્રી ચંદ્રાયાન-3 અભિયાનમાં સંકળાયેલા ISROના વૈજ્ઞાનિકોને મળ્યાં હતાં અને તેમની સાથે સંવાદ કર્યો હતો. અહીં તેમણે ચંદ્રાયાન-3 અભિયાનમાં થઈ રહેલી પ્રગતિ અને પ્રાપ્ત સંશોધનાત્મક તારણો વિશે ટૂંકમાં જાણકારી પણ મેળવી હતી.પ્રધાનમંત્રીએ ભારતના પ્રથમ ખાનગી રોકેટ વિક્રમ-એસના સફળ પ્રક્ષેપણ માટે ISRO અને IN-SPACEને અભિનંદન પાઠવ્યા
November 18th, 05:33 pm
પ્રધાનમંત્રી શ્રી નરેન્દ્ર મોદીએ સ્કાયરૂટ એરોસ્પેસ દ્વારા વિકસિત ભારતના પ્રથમ ખાનગી રોકેટ વિક્રમ-સબર્બિટલના સફળ પ્રક્ષેપણ માટે ભારતીય અવકાશ સંશોધન સંસ્થા (ISRO) અને IN-SPACEને અભિનંદન પાઠવ્યા છે.