કેબિનેટે સુગર સીઝન 2026-27 માટે શેરડીના ખેડૂતો માટે ₹365/ક્વિન્ટલના વાજબી અને લાભદાયી ભાવ (FRP)ને મંજૂરી આપી
May 05th, 06:43 pm
શેરડીના ખેડૂતોના હિતોને ધ્યાનમાં રાખીને, પ્રધાનમંત્રી શ્રી નરેન્દ્ર મોદીની અધ્યક્ષતામાં આર્થિક બાબતોની કેબિનેટ સમિતિ (CCEA) એ સુગર સીઝન 2026-27 (ઓક્ટોબર - સપ્ટેમ્બર) માટે શેરડીના વાજબી અને લાભદાયી ભાવ (FRP) ને 10.25% ના બેઝિક રિકવરી રેટ માટે ₹365/ક્વિન્ટલ નક્કી કરવાની મંજૂરી આપી છે. આ અંતર્ગત, 10.25% થી વધુ રિકવરીમાં પ્રત્યેક 0.1% ના વધારા માટે ₹3.56/ક્વિન્ટલનું પ્રીમિયમ આપવામાં આવશે અને રિકવરીમાં પ્રત્યેક 0.1% ના ઘટાડા માટે એફઆરપી (FRP) માં ₹3.56/ક્વિન્ટલનો ઘટાડો કરવામાં આવશે.મંત્રીમંડળે ખાંડની સિઝન 2024-25 (ઓક્ટોબર-સપ્ટેમ્બર) માટે સુગર ફેક્ટરીઓ દ્વારા ચૂકવવાપાત્ર શેરડીના 'વાજબી અને વળતરદાયક ભાવ' (એફઆરપી)ને મંજૂરી આપી
February 21st, 11:26 pm
પ્રધાનમંત્રી શ્રી નરેન્દ્ર મોદીની અધ્યક્ષતામાં આર્થિક બાબતો પરની મંત્રીમંડળીય સમિતિએ ખાંડની સિઝન 2024-25 માટે શેરડીના વાજબી અને વળતરદાયક ભાવ (એફઆરપી)ને 10.25 ટકાના દરે રૂ. 340/ક્વિન્ટલના ભાવે મંજૂરી આપી હતી. શેરડીનો આ ઐતિહાસિક ભાવ છે જે વર્તમાન સીઝન 2023-24 માટે શેરડીના એફઆરપી કરતા લગભગ 8 ટકા વધારે છે. સંશોધિત એફઆરપી 01 ઓક્ટોબર 2024થી લાગુ થશે.