આદિવાસી ગૌરવ દિવસ નિમિત્તે પ્રધાનમંત્રી 15 નવેમ્બરના રોજ ગુજરાતના નર્મદા જિલ્લાની મુલાકાત લેશે
November 14th, 11:41 am
પ્રધાનમંત્રી શ્રી નરેન્દ્ર મોદી 15 નવેમ્બરના રોજ ગુજરાતની મુલાકાત લેશે. બપોરે લગભગ 12:45 વાગ્યે તેઓ નર્મદા જિલ્લામાં દેવમોગરા મંદિરમાં પ્રાર્થના કરશે અને દર્શન કરશે. ત્યારબાદ, બપોરે લગભગ 2:45 વાગ્યે, પ્રધાનમંત્રી નર્મદા જિલ્લામાં દેડિયાપાડાની મુલાકાત લેશે અને ધરતી આબા ભગવાન બિરસા મુંડાની 150મી જન્મજયંતિ ઉજવણીમાં ભાગ લેશે. આ પ્રસંગે, તેઓ ₹9,700 કરોડથી વધુની વિવિધ માળખાગત સુવિધાઓ અને વિકાસ પ્રોજેક્ટ્સનું ઉદ્ઘાટન અને શિલાન્યાસ કરશે અને સભાને સંબોધન પણ કરશે.