হায়দৰাবাদত অনুষ্ঠিত উইংছ ইণ্ডিয়া ২০২৬ কাৰ্যসূচীত ভিডিঅ' কনফাৰেন্সিঙৰ জৰিয়তে প্ৰধানমন্ত্ৰীয়ে আগবঢ়োৱা ভাষণৰ অসমীয়া অনুবাদ
January 28th, 06:00 pm
কেন্দ্ৰীয় কেবিনেটত মোৰ সহযোগী ৰাম মোহন নাইডু জী, মুৰলীধৰ মোহল জী, সমগ্ৰ বিশ্বৰ সন্মানীয় মন্ত্ৰীসকল, বিশ্ব বিমান উদ্যোগৰ নেতা, আন্তঃৰাষ্ট্ৰীয় সংস্থাৰ প্ৰতিনিধিসকল, বিশিষ্ট প্ৰতিনিধিসকল, ভদ্ৰলোক আৰু ভদ্ৰ মহিলাসকল!হায়দৰাবাদত অনুষ্ঠিত উইংছ ইণ্ডিয়া ২০২৬ কাৰ্যসূচীত ভিডিঅ’ কনফাৰেন্সিঙৰ জৰিয়তে ভাষণ আগবঢ়ালে প্ৰধানমন্ত্ৰী শ্ৰী নৰেন্দ্ৰ মোদীয়ে
January 28th, 05:45 pm
প্ৰধানমন্ত্ৰী শ্ৰী নৰেন্দ্ৰ মোদীয়ে আজি তেলেংগানাৰ হায়দৰাবাদত অনুষ্ঠিত হোৱা উইংছ ইণ্ডিয়া ২০২৬ কাৰ্যসূচীত ভিডিঅ’ কনফাৰেন্সিঙৰ জৰিয়তে ভাষণ দিয়ে। ভাষণ প্ৰসংগত প্ৰধানমন্ত্ৰীয়ে উদ্যোগৰ নেতা, বিশেষজ্ঞ আৰু বিনিয়োগকাৰীক আদৰণি জনাই কয় যে বিমান উদ্যোগৰ পৰৱৰ্তী যুগ আকাংক্ষাৰে ভৰি আছে আৰু এইক্ষেত্ৰত ভাৰতে এক প্ৰধান খেলুৱৈ হিচাপে আত্মপ্ৰকাশ কৰিছে। তেওঁ বিমান নিৰ্মাণ, পাইলটৰ প্ৰশিক্ষণ, বিমানৰ উন্নত গতিশীলতা আৰু বিমান লিজিঙৰ ক্ষেত্ৰত ভাৰতে উপস্থাপন কৰা বিশাল সুযোগসমূহৰ বিষয়ত আলোকপাত কৰি সকলো অংশীদাৰৰ বাবে উইংছ ইণ্ডিয়া সন্মিলনৰ গুৰুত্বৰ বিষয়ে কয়। শ্ৰী মোদীয়ে কয় যে বিগত দশকত ভাৰতৰ বিমান পৰিবহণ খণ্ডত এক ঐতিহাসিক পৰিৱৰ্তন সংঘটিত হৈছে। তেওঁ স্মৰণ কৰে যে এসময়ত বিমান যাত্ৰা একচেটিয়া ক্লাবতে সীমাবদ্ধ আছিল যদিও আজি ভাৰত বিশ্বৰ তৃতীয় বৃহত্তম ঘৰুৱা বিমান পৰিবহনৰ বজাৰত পৰিণত হৈছে। তেওঁ আঙুলিয়াই দিয়ে যে যাত্ৰীৰ যাতায়াত দ্ৰুতগতিত বৃদ্ধি পাইছে আৰু ভাৰতীয় বিমান সংস্থাসমূহে নিজৰ বহৰ সম্প্ৰসাৰণ কৰিছে, শেহতীয়া বছৰবোৰত ১৫০০ৰো অধিক বিমানৰ ফৰমাইচ দিয়া হৈছে। প্ৰধানমন্ত্ৰীয়ে আঙুলিয়াই দিয়ে যে চৰকাৰৰ দীৰ্ঘম্যাদী দৃষ্টিভংগীৰ বাবেই এই বিকাশ সম্ভৱ হৈছে, প্ৰতিজন নাগৰিকক বিমানযোগে সহজে যাত্ৰা কৰিবলৈ সক্ষম কৰাৰ লক্ষ্যৰেবিমান যাত্ৰাক একচেটিয়া নহয়, সৰ্বাংগীন কৰি তোলা হৈছে । তেওঁ টায়াৰ-২ আৰু টায়াৰ-৩ চহৰসমূহ বিমানবন্দৰৰ সৈতে সংযুক্ত হৈ থকাৰ কথাত গুৰুত্ব আৰোপ কৰি কয় যে ২০১৪ চনত ভাৰতত ৭০টা বিমানবন্দৰ আছিল, আনহাতে আজি এই সংখ্যা ১৬০টাতকৈও অধিক হৈছে। অৰ্থাৎ দেশখনে মাত্ৰ এটা দশকতে দুগুণতকৈও অধিক বিমানবন্দৰ নিৰ্মাণ কৰিছে। শ্ৰী মোদীয়ে লগতে কয় যে ১০০ৰো অধিক বিমানবন্দৰ সক্ৰিয় কৰা হৈছে আৰু ইয়াৰ সমান্তৰালভাৱে চৰকাৰে সুলভ ভাড়া প্ৰদানৰ বাবে উড়ান আঁচনি আৰম্ভ কৰিছে। তেওঁ উল্লেখ কৰে যে উড়ানৰ ফলত ডেৰ কোটি যাত্ৰীয়ে যাত্ৰা কৰিছে, তেওঁলোকৰ বহুতেই হয়তো আগতে এনেদৰে যাত্ৰা কৰা নাছিল। প্ৰধানমন্ত্ৰী মোদীয়ে কয় যে ভাৰতে উন্নত ৰাষ্ট্ৰ হোৱাৰ লক্ষ্যৰ দিশে আগবাঢ়ি যোৱাৰ লগে লগে বিমান সংযোগৰ সম্প্ৰসাৰণ বহুগুণে বৃদ্ধি হোৱাটো নিশ্চিত। তেওঁ আলোকপাত কৰে যে ২০৪৭ চনৰ ভিতৰত ভাৰতত ৪০০ৰো অধিক বিমানবন্দৰ নিৰ্মাণৰ আশা কৰা হৈছে, যাৰ ফলত এক বিশাল নেটৱৰ্কৰ সৃষ্টি হ’ব। শ্ৰী মোদীয়ে উল্লেখ কৰে যে দেশৰ প্ৰতিটো কোণত সংযোগ উন্নত কৰাৰ লক্ষ্যৰে সাগৰীয় বিমান পৰিচালনাৰ সম্প্ৰসাৰণৰ সমান্তৰালভাৱে আঞ্চলিক আৰু সুলভ মূল্যৰ বিমান সংযোগক অধিক শক্তিশালী কৰিব পৰাকৈ উড়ান আঁচনিৰ পৰৱৰ্তী পৰ্যায়ৰ কাম চৰকাৰে কৰি আছে।চৰকাৰে পৰ্যটন খণ্ডৰ উন্নয়নৰ বিষয়তো শক্তিশালীভাৱে মনোনিৱেশ কৰা বুলি উল্লেখ কৰি শ্ৰী মোদীয়ে কয় যে দেশজুৰি পৰ্যটনস্থলীসমূহ উন্নীত কৰা হৈছে আৰু বিমান যাত্ৰা বৃহৎ সংখ্যক লোকৰ বাবে পছন্দৰ বিষয় হৈ পৰিছে। প্ৰধানমন্ত্ৰীয়ে আলোকপাত কৰে যে অনাগত বছৰবোৰত বিমান যাত্ৰাৰ চাহিদা অভূতপূৰ্বভাবে বৃদ্ধি পাব, যাৰ ফলত অধিক বিনিয়োগৰ সুযোগ সৃষ্টি হ’ব।ভিডিঅ কনফাৰেন্সনিঙৰ জৰিয়তে হায়দৰাবাদৰ ছাফ্ৰান এয়াৰক্ৰাফ্ট ইঞ্জিন চাৰ্ভিচেছ ইণ্ডিয়াৰ প্ৰকল্প উদ্বোধনী অনুষ্ঠানত প্ৰধানমন্ত্ৰীয়ে দিযা ভাষণৰ অসমীয়া
November 26th, 10:10 am
মোৰ সময় অলপ কম আছে , কাৰণ মই সংসদত উপস্থিত হ’ব লাগিব; মাননীয় ৰাষ্ট্ৰপতিৰ সৈতে এটা কাৰ্যসূচী আছে। সেয়ে দীঘলীয়াকৈ কথা নোকোৱাকৈয়ে ক্ষন্তেকতে কেইটামান কথা শ্বেয়াৰ কৰি মোৰ মন্তব্যৰ সামৰণি মাৰিম। আজিৰ পৰা ভাৰতৰ বিমান পৰিবহণ খণ্ডই নতুনকৈ এক গতি লাভ কৰিছে। ছাফ্ৰানৰ এই নতুন প্ৰকল্পই ভাৰতক বিশ্বব্যাপী এম আৰ অ’ হাব হিচাপে প্ৰতিষ্ঠা কৰাত সহায় কৰিব। এই এম আৰ অ’ সুবিধাই উচ্চ প্ৰযুক্তিৰ মহাকাশ জগতখনত যুৱক-যুৱতীসকলৰ বাবেও নতুন সুযোগৰ সৃষ্টি কৰিব। শেহতীয়াকৈ ২৪ নৱেম্বৰত ছাফ্ৰান ব’ৰ্ড আৰু মেনেজমেণ্টক লগ পাইছো, ইয়াৰ আগতেও লগ পাইছো। প্ৰতিটো আলোচনাতে ভাৰত সন্দৰ্ভত তেওঁলোকৰ আস্থা আৰু আশা দেখিছোঁ। মোৰ বিশ্বাস যে ভাৰতত ছাফ্ৰানৰ বিনিয়োগ একে গতিৰে চলি থাকিব৷ আজি এই প্ৰকল্পৰ বাবে টিম ছাফ্ৰানলৈ আন্তৰিক অভিনন্দন জ্ঞাপন কৰিলোঁ।প্ৰধানমন্ত্ৰী শ্ৰী নৰেন্দ্ৰ মোদীয়ে ভিডিঅ’ কনফাৰেন্সিঙৰ জৰিয়তে হায়দৰাবাদত ছাফ্ৰান এয়াৰক্ৰাফ্ট ইঞ্জিন চাৰ্ভিচেছ ইণ্ডিয়া (এছ এ ই এছ আই) উদ্বোধন কৰে
November 26th, 10:00 am
প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ’ কনফাৰেন্সিঙৰ জৰিয়তে হায়দৰাবাদৰ ৰাজীৱ গান্ধী আন্তঃৰাষ্ট্ৰীয় বিমানবন্দৰৰ জি এম আৰ এৰ’স্পেচ এণ্ড ইণ্ডাষ্ট্ৰিয়েল পাৰ্ক-এছ ই জেডত অৱস্থিত ছাফ্ৰান এয়াৰক্ৰাফ্ট ইঞ্জিন চাৰ্ভিচেছ ইণ্ডিয়া (এছ এ ই এছ আই) উদ্বোধন কৰে। অনুষ্ঠানত ভাষণ দি প্ৰধানমন্ত্ৰীয়ে কয় যে, ‘ভাৰতৰ বিমান পৰিবহণ খণ্ডই আজিৰে পৰা এক নতুন উৰণ আৰম্ভ কৰিছে। ছাফ্ৰানৰ নতুন সুবিধাই ভাৰতক গোলকীয় ৰক্ষণাবেক্ষণ, মেৰামতি আৰু সম্পূৰ্ণভাৱে ৰূপান্তৰিত (এম আৰ অ’) কেন্দ্ৰ হিচাপে প্ৰতিষ্ঠা কৰাত সহায় কৰিব।’ প্ৰধানমন্ত্ৰীয়ে গুৰুত্ব আৰোপ কৰি কয় যে এই এম আৰ অ’ সুবিধাই উচ্চ-প্ৰযুক্তিৰ এৰ’স্পেচ খণ্ডত যুৱক-যুৱতীসকলৰ বাবেও নতুন সুযোগ সৃষ্টি কৰিব। শ্ৰী মোদীয়ে স্মৰণ কৰে যে তেওঁ ২৪ নৱেম্বৰত ছাফ্ৰান ব’ৰ্ড এণ্ড মেনেজমেণ্টক সাক্ষাৎ কৰিছিল আৰু উল্লেখ কৰিছিল যে ইয়াৰ পূৰ্বেও তেওঁলোকৰ সৈতে হোৱা প্ৰতিটো আলোচনাত তেওঁ ভাৰতৰ প্ৰতি তেওঁলোকৰ আস্থা আৰু আশা প্ৰত্যক্ষ কৰিছিল। তেওঁ আশা প্ৰকাশ কৰে যে ভাৰতত ছাফ্ৰানৰ বিনিয়োগ একেই গতি অব্যাহত থাকিব। শুভেচ্ছা জনাই প্ৰধানমন্ত্ৰীয়ে এই নতুন সুবিধাৰ বাবে টিম ছাফ্ৰানক অভিনন্দন জ্ঞাপন কৰে।PM to inaugurate Safran Aircraft Engine Services India facility on 26th November
November 25th, 04:16 pm
In a big step towards the goal of Aatmanirbharta in the aviation sector, PM Modi will inaugurate the Safran Aircraft Engine Services India (SAESI) facility on 26th November at 10 AM via video conferencing. It is located at the GMR Aerospace and Industrial Park – SEZ, Rajiv Gandhi International Airport, Hyderabad. With an initial investment of around ₹1,300 crore, the SAESI facility is designed to service up to 300 LEAP engines annually.