பகிர்ந்து
 
Comments 52 Comments

உணர்வுபூர்வமான எழுத்தாளர், கவிஞர், கலாச்சார நேயர். நரேந்திர மோடியைப் பற்றிச் வேறுவழிகளில் சித்தரிக்க இதைப் போன்ற வேறு சிலவும் உள்ளன. வேலையிலேயே ஆழ்ந்திருக்க வேண்டியிருந்தாலும், பெரும்பாலான நேரங்களில் மூச்சுத்திணறும்படியான வேலைகள் இருந்தபோதிலும், யோகா, எழுத்து, சமூக ஊடகங்களில் மக்களுடன் கலந்துரையாடுவது என தான் ஆழ்ந்து ரசிப்பவற்றில் ஈடுபடுவதற்கு நரேந்திர மோடி சிறிதளவு நேரத்தை ஒதுக்கவே செய்கிறார். பேரணிகளுக்கு இடையேயும் அங்கு தனக்கு ஏற்பட்ட அனுபவங்களைப் பற்றி டிவிட்டரில் பகிர்ந்து கொள்வதையும் நீங்கள் பார்க்கலாம். இளம் வயதிலிருந்தே அவர் எழுதிக் கொண்டிருக்கிறார். 24 மணி நேரமும் உடனடிச் செய்திகளை வெளியிட்டு வரும் இந்தக் காலத்தில் பெரும்பாலும் கண்ணுக்குத் தென்படாமல் போய்விடும் நரேந்திர மோடி குறித்த விஷயத்தை நோக்கி இந்தப் பகுதி உங்களை அழைத்துச் செல்கிறது

“யோகா மனிதகுலத்திற்கு இந்தியா வழங்கிய கொடை. இதன் மூலம் உலகம் முழுவதையுமே நம்மால் நெருங்கிவிட முடியும். யோகா என்பது நோய்களிலிருந்து மட்டுமல்ல; ஆசைகளிலிருந்தும் விடுதலை செய்வதாகும்”
அவருக்கு மிகவும் நெருக்கமான விஷயமான யோகாவைப் பற்றி நரேந்திர மோடி வழங்கிய மிகச் சிறந்த உரைகளில் ஒன்று
 
அவரது பேச்சைப் போலவே அவரது நூல்களும் வலுவானவையாக, உள்ளுணர்வைத் தூண்டுவதாக, தகவல்களை தெரிவிப்பதாகவே இருக்கின்றன. நரேந்திர மோடியின் ஒவ்வொரு நூலுமே தகவல், செறிவான கருத்துக்கள், வாழ்வில் அவர் கடந்து வந்த சம்பவங்களைப் பற்றிய விவரிப்புகள் ஆகியவற்றை உள்ளடக்கியதாகத் திகழ்கின்றன
அவசரநிலையின் இருண்ட நாட்களில் குஜராத் பற்றிய காட்சியைப் பாருங்கள். சமூக சமத்துவம் குறித்த அவரது கருத்தைப் படியுங்கள். எதிர்கால சந்ததியினருக்கு பசுமையான உலகத்தை விட்டுச் செல்வது எவ்வளவு முக்கியமானது என அவர் நினைப்பது ஏன் என்பதைப் பற்றியும் தெரிந்து கொள்ளுங்கள்…
 
“எனது 36 வயதில் ஜகத்ஜனனி தாயுடன் நான் நடத்திய உரையாடல்களின் தொகுப்பே சாக்க்ஷிபாவ் நூலாகும். அது வாசகருடன் என்னை தொடர்புபடுத்துகிறது. பத்திரிக்கைகளின் மூலமாக மட்டுமல்ல; எனது வார்த்தைகளின் மூலமாகவும் வாசகர்கள் என்னைத் தெரிந்து கொள்ளவும் உதவுகிறது”
உங்களுக்குத் தெரியுமா? நரேந்திர மோடி நாட்குறிப்பு எழுதும் பழக்கமுள்ளவர். என்றாலும் ஒவ்வொரு 6-8 மாத காலத்திலும் எழுதிய பக்கங்களை எரித்து விடும் பழக்கமும் அவருக்குண்டு. ஒருநாள் அவ்வாறு பக்கங்களை எரித்துக் கொண்டிருக்கும்போது ஒரு ஆர்.எஸ்.எஸ். பிரச்சாரகர் அதைப் பார்த்துவிட்டு அவ்வாறு செய்ய வேண்டாம் என்று கேட்டுக் கொண்டார். அந்தப் பக்கங்கள்தான் 36 வயதான நரேந்திர மோடியின் எண்ணங்களின் தொகுப்பாக, சாக்க்ஷிபாவ் என்ற வடிவத்தில் வெளியாயின
 
“உரைநடையின் மூலம் விளக்கமுடியாதவற்றை பெரும்பாலும் கவிதைகளின் மூலமாக வெளிப்படுத்தி விடலாம்…”
நரேந்திர மோடியின் கவிதைகளில் சிலவற்றை இங்கே பார்க்கிறீர்கள். குஜராத்தி மொழியில் எழுதப்பட்ட இந்தக் கவிதைகள் இயற்கை எனும் அன்னை, தேசபக்தி ஆகிய கருத்துகளை தெரிவிப்பதாக அமைந்தவை
 
“கலை, இசை, இலக்கியம் ஆகியவை அரசை நம்பியிருக்கக் கூடாது. அவற்றிற்கு எவ்வித கட்டுப்பாடுகளும் இருக்கலாகாது. அரசு இத்தகைய திறமைகளை அங்கீகரித்து, அதை வளர்க்க வேண்டும்”
வெகுஜன கலாச்சாரம் பற்றிய நரேந்திர மோடியின் நம்பிக்கை குறித்து தெரிவிப்பதாக இவை அமைகின்றன. அவசர நிலைக்கு எதிரான போராட்டத்தில் தீவிரமாக செயல்பட்ட அவருக்கு கருத்துச் சுதந்திரம் என்பது நம்பிக்கையின் வடிவமாகவே உள்ளது. அதை அவர் எழுத்திலும் நடைமுறையிலும் பின்பற்றி வருகிறார். பிரபலமான கலைஞர்களுடன் அவர் கலந்துரையாடுவதை நீங்கள் ரசிக்கலாம்
இலையுதிர் காலத்தின் மடியிலிருந்தே வசந்தம் பிறக்கிறது!

திரு. நரேந்திர மோடி எழுதிய அழகான கவிதையை பார்த்திவ் கோஹில் பாடுகிறார்
 
நவராத்திரியின் வண்ணங்களையும் செயலூக்கத்தையும் அழகான கவிதையின் மூலம் பாராட்டுகிறார்
நவராத்திரி விழாவைப் பற்றி திரு. நரேந்திர மோடி எழுதிய கவிதை
Explore More
’பரவாயில்லை இருக்கட்டும்’ என்ற மனப்பான்மையை விட்டு விட்டு “ மாற்றம் கொண்டு வரலாம்” என்று சிந்திக்கும் நேரம் இப்போது வந்து விட்டது : பிரதமர் மோடி

பிரபலமான பேச்சுகள்

’பரவாயில்லை இருக்கட்டும்’ என்ற மனப்பான்மையை விட்டு விட்டு “ மாற்றம் கொண்டு வரலாம்” என்று சிந்திக்கும் நேரம் இப்போது வந்து விட்டது : பிரதமர் மோடி
e-NAM: Changing the way farmers sell their produce

Media Coverage

e-NAM: Changing the way farmers sell their produce
...

Nm on the go

Always be the first to hear from the PM. Get the App Now!
...
இதய நோயை குணப்படுத்திய தங்கமான இதயம்
September 16, 2016
பகிர்ந்து
 
Comments 1509
Comments

நமது நாட்டை வளர்ச்சியின் புதிய உச்சங்களுக்கு எடுத்துச் செல்லவிருக்கின்ற நமது இளைஞர்கள்தான் நமது பெருமைக்கு உரியவர்கள். எந்தவிதமான இடையூறையோ அல்லது நோயினையோ அவர்கள் சந்திக்க நேரும்போது நமது இளைஞர்களுக்கு உதவ வேண்டியது நமது முழுமுதல் கடமை ஆகும்.

 

பூனே நகரைச் சேர்ந்த ஏழு வயதே ஆன வைஷாலி வசதிக் குறைவான குடும்பத்தைச் சேர்ந்த சிறுமி. கடந்த இரண்டு ஆண்டுகளுக்கும் மேலாக இதயத்தில் ஏற்பட்ட ஓட்டை ஒன்றின் விளைவாக அவள் பாதிக்கப்பட்டிருந்தாள். இத்தனை ஆண்டுகளாக எத்தகைய துன்பத்தை அவள் சந்திக்க வேண்டியிருந்திருக்கும் என்பதை சற்றே கற்பனை செய்து பாருங்கள்!

 

தனது இதய நோய்க்கு சிகிச்சைக்கான நிதி உதவி கோரி பிரதமருக்கு அந்த இளம் சிறுமி வைஷாலி கடிதம் எழுத முடிவு செய்தபோது, பிரதமர் அவளுக்கு உதவி செய்வது மட்டுமின்றி ஒரு நாள் நேரடியாக அவளை சந்தித்தும் உற்சாகப்படுத்துவார் என்பதை அவள் அறிந்திருக்கவில்லை.

 

பிரதமருக்கு வைஷாலி எழுதிய இரண்டு பக்கக் கடிதம் உணர்ச்சி ததும்பிய கோரிக்கையாக இருந்தது. தன்னை அவரது மகளாகக் கருதி உதவி செய்யுமாறும், போலீஸ் அதிகாரியாக ஆக வேண்டும் என்ற தனது கனவை நனவாக்க உதவுமாறும் அவள் அந்தக் கடிதத்தில் கோரியிருந்தாள்.

 

அந்தக் கடிதத்தைப் பார்த்து விட்டு, வைஷாலியை அடையாளம் கண்டு முறையான மருத்துவ சோதனை நடத்தி, அவளுக்கு இலவச சிகிச்சை கிடைப்பதை உறுதிப்படுத்துமாறு பிரதமர் அதிகாரிகளை கேட்டுக் கொண்டார்.

 

இந்த சிகிச்சை நடந்து முடிந்து நலம்பெற்றவுடன் வைஷாலி மீண்டும் உணர்ச்சிகரமான கடிதமொன்றை பிரதமருக்கு எழுதினாள். இம்முறை கடிதத்தோடு சித்திரம் ஒன்றையும் வரைந்து அனுப்பியிருந்தாள். இந்தக் கடிதத்திற்கும் பிரதமர் பதில் அனுப்பியிருந்தார்.

 

பின்பு 2016 ஜூன் 25 அன்று பூனே நகருக்கு பிரதமர் பயணம் மேற்கொண்டபோது இளம் சிறுமி வைஷாலியையும் அவளது குடும்பத்தினரையும் அவர் தனியாகச் சந்தித்தார். இந்தச் சந்திப்பு என்றும் தன் நினைவில் பதிந்திருக்கும் என்று திரு. மோடி குறிப்பிட்டார்.

 

வைஷாலியைப் பற்றிய இந்தச் சம்பவம் ஒரேயொரு உதாரணம்தான். இதுபோன்ற எண்ணற்ற கடிதங்கள் பிரதமருக்கு எழுதப்பட்டு அவரது அலுவலகத்தை வந்தடைகின்றன. இந்தக் கடிதங்களில் எழுப்பப்பட்டுள்ள பிரச்சினைகளை கவனிக்கவும், இந்திய குடிமக்கள் எவ்வித துன்பத்தையும் சந்திக்காமல் இருப்பதை உறுதிப்படுத்தவும் அனைத்து விதமான முயற்சிகளும் அங்கே மேற்கொள்ளப்படுகின்றன.